បទពិចារណា
(ពាក្យ៨)
អនិច្ចំទុក្ខំអនត្តា ដែលព្រះសម្មាសម្ពុទ្ធសម្តែង
មនុស្សសត្វក្នុងលោកមិនថាចាស់ក្មេងវិលវល់វង្វេងតាមសភាពពិត។
ទុក្ខំខ្មែរប្រែថាភាពជាទុក្ខ កង្វាល់ឆ្ងាយសុខអម្ពល់ក្នុងចិត្ត
បង្កស្មាញ់ស្មោគ្រទុក្ខរួមរិត សង្ខេបតាមពិតមាន៥ប្រការ។
អនិច្ចំនោះភាពជាការមិនទៀង កើតស្លាប់តរៀងក្នុងវដ្តសង្សារ
ពីក្មេងដល់ចាស់ផ្លាស់ជាធម្មតា ខែប្រាំវស្សាប្តូរតាមរដូវ។
ឯអនត្តាថាមិនមែនខ្លួន ហាក់ដូចមិនជួនផ្ទួននៅលើផ្លូវ
ខ្លួនខ្ញុំទេតើម្តេចថាមិនត្រូវ ស្មាញស្មោគ្រពេកកូវសូមញាតិពិចារណ៍។
នេះភ្នេកនេះធ្មេញនេះស្បែកសរសៃ ក្រចកជើងដៃហើយទាំងលោមា
នៅជាច្រើនទៀតមិនពណ៍នា ជាទីស្នេហារក្សាគ្រប់វេលា។
តាមពិតខ្ចីគេទេលោកអ្នក ឥតមានអន់អាក់ជាក់ក្នុងអត្ថា
កើតចាស់ឈឺស្លាប់ជាច្បាប់លោកា នៃសព្វសត្តាក្នុងភពផែននេះ។
សំខាន់ត្រង់ន័យយើងត្រូវគិត មកលើជីវិតដ៏ខ្ពើមមួយនេះ
ច្រើនឆ្នាំកន្លងយើងត្រូវត្រិះរិះ មនុស្សមានចំណេះចេះពិចារណា។
No comments:
Post a Comment